مراجعة فيلم The Batman
قصة فيلم the batman بكل بساطة نشاهد فيها " Batman " و هو فى بداية حياته و معه سنتين خبرة فى عمله كحامى مدينة Gotham .و فى أحد ليالى الهالوين يطلب منه المحقق " جوردن " أنه يساعده فى التحقيق فى جريمة قتل شخصية عامة.
تقييمات فيلم The Batman كأفضل فيلم 2022
و بس كده و بنشوف إلى ماذا ستذهب بنا الأحداث ....
مبدئيا كرأى شخصى الفيلم عجبنى جدا و مش حابب ادخل فى جدال أو مقارنة بينه و بين اى افلام تانية لباتمان ....
و ده لأن الفيلم مختلف و مخرجه و مؤلفه المدعو " Matt Reeves " كان ليه رؤية سوادوية مميزة فى عرض القصة ....
و لكن الاختلاف ده ليه شق حلو و ليه شق هيبقى وحش لبعض الناس ....
الشق الحلو لو انت زيى عايز تتفرج على فيلم حلو فى العموم و كمان فى فئة افلام الجريمة و الغموض و هستيب نفسك لرؤية صانع العمل ففى الحالة دى هتاخد تجربة سينمائية ممتعة و ثقيلة فنيا سواء على جانب القصة أو الجانب البصرى الرائع أو الموسيقى التصويرية إلى هتلاقيها بترن فى ودنك بعد الفيلم ....
نيجى بقى للشق الوحش و هو فى حالة انك داخل راسم صورة معينة أو مستنى تشوف فيلم ل باتمان زى ما انت متعود عليه دى اظن الحالة الوحيدة الى ممكن تخليك تضايق من الفيلم و الى ناتجة زى ما قولت عن طابع الفيلم المختلف .....
غير كده الفيلم قوى على اصعدة كتير زى مشاهد الأكشن الى طالعة بجودة و احساس عاليين ....
و نعيد و نذكر بالموسيقى التصويرية لأنها ممتازة فعلا ....
و اختيارات الممثلين بشكل عام و الأداء القوى من كل واحد فيهم من اول الشخص إلى كنت مستبشر بيه خير منذ الإعلان عنه " Robert Pattinson " لحد الرائع " Paul Dano " ....
اخر حاجة الفيلم مش خالى من العيوب و فيه بعض المواقف إلى كام بالنسبالى غير مفهومة ازاى أو ليه ده محصلش بس مكنش ليها تأثير كبير و انت بتفرج لكن اكيد ليها تأثير فى التقييم .....
فيلم " The Batman " اجمالا فيلم حلو جدا و قوى و سوداوى و استمتعت بتجربة مشاهدته جدا .....
الفيلم من احدث انتاجات ٢٠٢٢ و متاح حاليا في السينمات ....
و الى اتفرج على الفيلم يقولنا رأيه فى الكومنتات .....
تقييمي للفيلم ..... ( 8.5 / 10 ) .
و لو عجبتكوا المراجعة اعملوا Like و Share البوست ؛ و لو عاوزين تشوفوا المراجعات اول ما تنزل اعملوا join الجروب الخاص بالصفحة و هاسيب اللينك بتاعه فى أول كومنت .
فيلم the batman